O galego e Ubuntu

O galego acada o posto 17 das línguas ás que está traducida Ubuntu, a distribución GNU/Linux máis popular, para a vindeira versión 10.04 que verá a luz o día 29 de Abril.
Isto é grazas, naturalmente, ao traballo desinteresado de 22 voluntarios/as, que consiguen nada menos que poñer ao noso idioma por riba do catalán, e a só 3 postos do portugués.
Máis información en Mancomun.org

Advertisement

 

Os ciberirmandiños

Milleiros de persoas colaboran desinteresadamente na galeguización de Internet

«Saben que a enciclopedia de referencia en Internet, a Wikipedia, ten en galego a décima parte dos artigos que en español, pese a que a porcentaxe de galegofalantes no mundo é 0,7% da de hispano falantes? Que hai aplicacións informáticas que se traducen antes ao noso idioma que ao francés ou ao alemán? Que tamén está traducida Facebook, a rede social que tende a ter tantos membros no mundo como usuarios de Internet, e na súa irmá emerxente, Twitter, o galego está entre os 20 idiomas máis usados? O idioma propio de Galicia ten unha presenza na Rede moito máis elevada que nos medios de difusión tradicionais, e todo iso non con subvencións oficiais, como reza o mantra neoliberal, senón grazas ao esforzo desinteresado de milleiros de persoas. (…)

>> Seguir lendo en El País (só texto) >>

Xosé Manuel Pereiro – El País, 26 de febreiro de 2010

 

Ubunchu, un cómic tipo manga sobre Ubuntu

A Universidade da Coruña, através da súa Oficina de Sóftware Libre, está traducindo uns cómics tipo manga xaponés, sobre o sistema operativo Ubuntu GNU/Linux, que é no que se basea o Galinux. A páxina do proxecto pódela ver aquí.

Ata o de agora traduciron os 3 primeiros exemplares.

Ubunchu, Nº 1 (5,6 MB)

Ubunchu, Nº 2 (4,7 MB)

Ubunchu, Nº 3 (5,3 MB)

Os cómics publícanse baixo unha licenza CC by-nc.

Que os disfrutedes!

 

Dez razóns para elixir software de fontes abertas na educación

Decálogo:

1. Contribúe a formar persoas libres, independentes, críticas e autónomas.
2. Permite ensinar con ferramentas adaptadas á realidade do alumnado.
3. Crea unha Comunidade de Coñecemento Compartido.
4. Favorece a liberdade de elección tecnolóxica da persoa.
5. Evoluciona rapidamente e permite unha eficaz solución dos problemas.
6. Unha solución madura, con experiencias de éxito na contorna educativa española.
7. Permite aforrar custos na implantación, mantemento e xestión dos centros educativos.
8. Facilita que os alumnos dispoñan na súa casa das mesmas ferramentas educativas que utilizan no seu centro educativo, e de forma 100% legal.
9. Garante a seguridade.
10. Potencia a innovación de produtos e servizos a través de empresas locais.

>

>

>

>

>
Máis sobre esta campaña en Mancomún

 

Firefox cumpre 5 anos

Felicitamos con moito agarimo ao raposiño, que cumpriu cinco anos o día nove de Novembro.
Fala xa máis de setenta linguas, entre elas o galego, grazas ao traballo voluntario de miles de persoas.

>

Vídeo da historia de Firefox (en inglés):

Χρὀνια Πολλἀ!